Në një emision televiziv kushtuar temës së inteligjencës dhe funksionimit të agjenturave në Shqipëri, eksperti i sigurisë Ervin Karamuço ka bërë disa zbulime të pazakonta për publikun shqiptar.
Karamuço, i cili ka mbajtur dikur çertifikatën e sigurisë si pjesë e institucioneve të mbrojtjes, tregoi se Shqipëria ka pasur rrjete informative aktive në disa shtete, përfshirë Britaninë e Madhe, ku sipas tij ishte ngritur edhe një task-forcë kundër krimit të organizuar.
“Kemi pasur një rrjet shumë aktiv në Britani. Ishte ngritur për krimin e organizuar. Jemi aktivë në disa shtete, edhe pse nuk mund të jap detaje. Neve na është kërkuar ndihmë dhe kemi shkuar”, tha ai.
