Akrepat e orës shënuan mesnatën dhe Viti i Ri 2026 mbërriti zyrtarisht edhe në Shqipëri. Qielli mbi Tiranë dhe qytetet e tjera të vendit u ndriçua nga spektakli shumëngjyrësh i fishekzjarrëve, duke krijuar një atmosferë festive dhe emocionale.
Si çdo vit, shqiptarët e pritën ndërrimin e viteve pranë familjeve të tyre, të mbledhur rreth tryezave festive, duke shkëmbyer urime për shëndet, paqe dhe mbarësi. Nga kryeqyteti e deri në qytetet e vogla, festimet u shoqëruan me zhurmën e fishekzjarrëve dhe gëzimin e qytetarëve që përshëndetën ardhjen e vitit të ri.
Ndriçimi i qiellit nga fishekzjarrët u bë simbol i shpresës për një vit më të mirë, ndërsa atmosfera festive u përcoll në çdo cep të vendit, duke shënuar fillimin e vitit 2026 me gëzim dhe optimizëm.
