Gazetari Poli Hoxha deklaroi se gjyqtari Astrit Kalaja ka qenë objekt kritikash dhe sulmesh politike më parë, veçanërisht kur dha vendimin për Kongresin e Partisë Demokratike. Ai u shpreh se në atë kohë media pranë Berishës dhe figura të tjera e quanin “shërbëtor i Yuri Kim-it”.
Hoxha shtoi se sulmet ndaj gjyqtarëve dhe prokurorëve janë përfshirë në një klimë të qëllimshme anti-drejtësi, ku politikanët reagojnë me zë të lartë për çdo vendim që u pengon interesat. Ai paralajmëroi se kjo klimë toksike helmon institucionet dhe frikëson zyrtarët që duan të veprojnë pa presion politik.
