Rusia pretendon se ka ndalur një inkursion ukrainas në territorin e saj të enjten, megjithëse provat e fundit nga terreni sugjerojnë se luftimet vazhdojnë në rajonin e Kurskut.
Ministria ruse e Mbrojtjes tha se njësitë e grupit “Veriu” të forcave të saj, së bashku me Shërbimin Federal të Sigurisë Ruse, FSB, “vazhdojnë të shkatërrojnë formacionet e forcave të armatosura ukrainase në rrethet Sudzhensky dhe Korenevsky të rajonit Kursk, të cilat janë drejtpërdrejt ngjitur me kufirin ruso-ukrainas.
Ukraina nuk ka konfirmuar zyrtarisht se forcat e saj kanë kryer një operacion tokësor brenda Rusisë.
As ushtria ukrainase dhe as qeveria në Kiev nuk e kanë komentuar operacionin.
Rusia akuzoi trupat ukrainase se kaluan kufirin në rajonin e saj Kursk të martën, duke pretenduar se forcat ukrainase filluan një “sulm masiv” dhe u përpoqën të depërtonin mbrojtjen ruse.
