Kreu i Fondit Shqiptar të Zhvillimit, Dritan Agolli, ka një “rekord” të ri, ku nga 9 nga 10 firma në garë në një tender kanë dhënë oferta të njëjta. E vetmja që doli “nga radha” u skualifikua. Një procedurë tepër e dyshimtë, pasi të 9-ta kanë qenë në unison.
Sipas dokumenteve, procedura e FSHZH-së është “shërbimi i kolaudimit të punimeve për objektet në zbatim të programeve IVR dhe 100 F”. Fondi limit i akorduar ishte 13.103.185 lekë. Ndërkohë 9 firma ofruan saktësisht; 11.121.152 lekë.
Dy janë mundësitë, ose zyrtarët e FSHZH-së i kanë orientuar ose firmat me njëra-tjetrën kanë rënë dakord. Por, të bësh në një mendje 9 është shumë e vështirë.
