Kreu i Partisë së Lirisë, Ilir Meta, ka bërë një reagim të ashpër nga burgu ndaj Raportit të Konvergjencës Ekonomike për Ballkanin Perëndimor 2025, ku Shqipëria renditet e fundit për klimën e biznesit me vetëm 56 pikë, ndërsa mesatarja rajonale është 66 pikë.
Meta e ka publikuar raportin dhe kritikën e tij në rrjetet sociale, duke kritikuar kryeministrin si “shakaxhin e integrimit”. Ai thekson se ndërsa flitet për hapjen e kapitujve të integrimit europian, në realitet po largohen nga standardet bazë të zhvillimit ekonomik dhe shoqëror.
Sipas tij, shifrat flasin vetë — Shqipëria nuk është thjesht mbrapa fqinjëve, por po tërhiqet nga rruga e zhvillimit dhe integrimit.
