Në promovimin e podcast-it të tij “Flasim”, kryeministri Edi Rama ka bërë të ditur se ka zhvilluar një bisedë me Ogerta Manastirliun — dhe gjatë dialogut i është drejtuar me frazën: “Ti do të jesh kryetarja e re e Bashkisë së Tiranës”.
Në fragmentin që u bë publik, Manastirliu tregon se dikush pranë saj e kishte pyetur pse nuk ishte kontaktuar më për kandidaturë, duke nënkuptuar se vetë Rama kishte bërë shpalljen për zgjedhjet që do të vijnë. Kjo deklaratë vjen në një kohë kur emri i saj është përmendur shpesh si kandidati i mundshëm për PS-në në kryeqytet.
