Donald Trump ka sulmuar sërish presidentin ukrainas, Volodymyr Zelenskyy, pas deklaratës së këtij të fundit, që theksoi se fundi i luftës së Ukrainës me Rusinë është ende shumë larg. Trump shprehu kritika të ashpra ndaj Zelensky në rrjetin e tij social “Truth Social”, duke thënë se lideri ukrainas nuk ishte i interesuar për negociata paqeje.
Trump theksoi se ky ishte një qëndrim i papranueshëm dhe se Amerika nuk do ta përballonte këtë situatë për shumë kohë. Ai shtoi se Zelensky nuk donte paqe, pasi e shfrytëzonte mbështetjen e Amerikës dhe Evropës për të vijuar luftën. Në takimin e fundit me Zelensky, Trump tha se deklaratat e tij kishin treguar se ai nuk mund ta çonte përpara këtë luftë pa ndihmën e SHBA-ve.
Ky koment i Trump vjen disa ditë pas një përplasjeje të madhe mes tij dhe Zelensky në Zyrën Ovale, e cila shkaktoi tronditje midis aleatëve të SHBA-së dhe ngriti shqetësime në lidhje me mundësinë që Uashingtoni mund të qëndronte në një pozicion të favorizuar për Rusinë.
