Pasi mandati i tij u shpall i pavlefshëm dhe prej thuajse një viti, Vangjel Tavo drejton Bashkinë e Himarës, duket se Fredi Beleri nuk dorëzohet për këtë bashki.
Beleri edhe pse deputet i Parlamentit Evropian, ka vendosur të kërkojë mandatin e kryebashkiakut që fitoi në zgjedhjet e pjesshme vendore të 14 Majit.
Fredi Beleri i është drejtuar Gjykatës Administrative të Apelit duke kundërshtuar vendimin e Komisionit Qëndror të Zgjedhjeve i cili në korrik të 2024 i hoqi atij mandatin e kryetarit të Bashkisë së Himarës, të cilin nuk e ushtroi asnjë ditë.
