Kreu i Grupit Parlamentar të Partisë Demokratike, Gazmend Bardhi, hodhi akuza të forta ditën e sotme në seancën parlamentare, duke artikuluar disa biseda sekrete dhe të koduara nga platforma SKY ECC, sipas tij, të kapura nga partnerët ligjzbatues europianë.
Mes tyre ai tha se ka biseda se si emëroheshin drejtorët e policive, përfshi atë të Shkodrës, ku përmendi edhe emrin e ministrit aktual të Brendshëm, Ervin Hoxha. Bardhi tha se “Mondi”, ku nënkupton kreun e Policisë së Shkodrës, Edmond Sulja, ka përdorur Sky Ecc.
