Kryeqyteti i Shqipërisë, Tirana, do të presë samitin e gjashtë të Komunitetit Politik Evropian, një ngjarje që do të mbledhë së bashku 47 krerë shtetesh dhe qeverish nga e gjithë kontinenti.
Ky takim përfaqëson një moment historik: është hera e parë që EPC mblidhet në Ballkanin Perëndimor, një fakt që synon të nënvizojë rëndësinë strategjike të rajonit në kontekstin evropian. Mediat italiane i kanë mëshuar shumë faktit të miqësisë së ngushtë që ka Meloni me Ramën.
Italia do të përfaqësohet nga kryeministrja Giorgia Meloni, e cila do të udhëtojë në Tiranë falë marrëdhënies së saj të fortë me kryeministrin shqiptar Edi Rama, i cili doli fitues nga zgjedhjet parlamentare të së dielës së kaluar dhe është gati të qëndrojë fort në krye të vendit ballkanik në një periudhë që duhet të çojë në pranimin në Bashkimin Evropian. Meloni nuk mungoi t’i dërgonte urimet e saj Ramës për fitoren e tij zgjedhore dhe do të përpiqet të shfrytëzojë takimin në Tiranë për të folur rreth bashkëpunimit midis Italisë dhe Shqipërisë mbi dosjen e migracionit.
