Presidenti i Francës, Emmanuel Macron, ka zhvilluar një bisedë me kryeministren e Italisë, Giorgia Meloni, dhe kryeministrin e Greqisë, Kyriakos Mitsotakis, për të koordinuar kapacitetet ushtarake që vendet e tyre po dërgojnë në Qipro.
Sipas burimeve zyrtare, tre liderët kanë diskutuar për bashkëpunimin në fushën e sigurisë dhe për forcimin e pranisë ushtarake në ishull, në një moment tensioni të shtuar pas raketave iraniane që kanë rënë në territorin e Qipros.
Gjithashtu, Macron, Meloni dhe Mitsotakis ranë dakord të punojnë së bashku për të garantuar lirinë e lundrimit në Detin e Kuq.
Franca, Italia dhe Greqia janë pjesë e Operacionit “Aspides”, një mision që synon të sigurojë kalimin e anijeve tregtare në Detin e Kuq.
Franca dhe Italia marrin pjesë gjithashtu në Operacionin “Atalanta”, i cili është fokusuar në luftën kundër piraterisë në rajonin e Bririt të Afrikës.
