I hapur për kompromis, Putin shpalos “listën e dëshirave”, pse “dorëzimi” i Donbasit do të ishte tragjedi për Ukrainën

Ndërsa Presidenti Trump dhe Presidenti ukrainas Volodymyr Zelensky punojnë për të organizuar një samit dypalësh Rusi-Ukrainë, Moska po bën kërkesa të reja që mund të anulojnë sukseset e fundit të Shtëpisë së Bardhë në kërkimin e përfundimit të konfliktit më vdekjeprurës në Evropë që nga Lufta e Dytë Botërore.  Zvarritja e fundit e Moskës përfshin kërkesat për të drejtën e vetos mbi garancitë e sigurisë që SHBA-të dhe Evropa do t’i jepnin Kievit, dhe kushte specifike për një samit midis udhëheqësve rusë dhe ukrainas. Ministri i Jashtëm rus Sergey Lavrov deklaroi të mërkurën se tirani i Kremlinit Vladimir Putin pranoi të mendonte për “ngritjen e nivelit të krerëve të delegacioneve” nga bisedimet e mëparshme në Stamboll vetëm nëse përmbushen disa kërkesa të caktuara.