Situata e përmbytjeve në qarkun e Vlorës vijon të përkeqësohet, ndërsa sipërfaqet e mbuluara nga uji po shtohen nga ora në orë. Pamjet tregojnë zona të tëra të përmbytura, me banesa dhe tokë bujqësore që ndodhen plotësisht nën ujë.
Autoritetet kanë urdhëruar evakuimin e menjëhershëm të banorëve në Novoselë, pasi lumi Vjosë ka dalë nga shtrati në zonën e Urës së Mifolit, duke rritur ndjeshëm rrezikun për banesat dhe jetën e qytetarëve.
Shërbimet e emergjencës ndodhen në terren dhe po monitorojnë situatën, ndërsa u bëhet thirrje banorëve të zonave të rrezikuara të bashkëpunojnë me autoritetet dhe të ndjekin udhëzimet për sigurinë personale.
