Deputetja Flutura Açka ka njoftuar sot se ka dhënë dorëheqjen nga drejtimi i Komisionit të Medias, si dhe largimin nga Grupi i PD.
Açka reagoi në një postim në Facebook, teksa u shpreh se nuk mund të bënte sehir minimin e demokracisë.
Por para se Açka të jepte dorëheqjen nga drejtimi i Komisionit, duket se kreu i grupit të PD, Gazment Bardhi, e ka shkarkuar atë, duke kërkuar që të zëvendësohet me deputeten Ina Zhupa. Njoftimi i Açkës mban datën 24 korrik, ndërsa ai i Bardhit mban datën 22 korrik.
