Deputeti socialist Erion Braçe ka komentuar debatet e fundit brenda Socialist Party of Albania dhe reagimin publik të Elisa Spiropali ndaj kryeministrit Edi Rama.
I ftuar në një studio televizive, Braçe tregoi se mbledhja e zhvilluar në PS ka zgjatur rreth katër orë, ndërsa diskutimi për Spiropalin ka zënë vetëm disa minuta. Ai refuzoi të japë detaje nga debati i brendshëm, duke theksuar se “gjërat e shtëpisë nuk nxirren në publik”.
I pyetur nëse Spiropali duhet të përjashtohet nga Partia Socialiste, Braçe u përgjigj prerazi kundër një mase të tillë.
“Jo! Unë mendoj se PS e ka kaluar fazën kur mund të përjashtojë njerëz për mendime ndryshe”, deklaroi Erion Braçe.
Megjithatë, ai kritikoi mënyrën se si Spiropali reagoi publikisht në rrjetet sociale ndaj tensioneve brenda partisë.
“Nuk më pëlqeu ai status. Nuk më pëlqen asgjë që është jashtë dhe niset si shigjetë ndaj cilësdo shënjestër brenda PS-së, qoftë edhe me të drejtë”, u shpreh Braçe.
Sipas deputetit socialist, debatet dhe pakënaqësitë duhet të diskutohen drejtpërdrejt brenda strukturave të partisë dhe jo në publik.
“Më pëlqen të jem ulur në tavolinë, ta shoh tjetrin përballë dhe t’i them në sy: ‘Po ti gabon dhe gabon shumë rëndë’”, tha ai.
Braçe shtoi se çdo anëtar i partisë mund të ketë momente pakënaqësie apo mbingarkese, por theksoi rëndësinë e ruajtjes së dialogut dhe parimeve brenda Partisë Socialiste.
