Një automjet në të cilin ndodheshin tre djem të rinj ka rënë në liqenin e Badovcit dhe për pasojë kanë humbur jetën që të tre personat që ndodheshin në makinë.
Mediat kosovare raportojnë se viktimat janë shtetasit e identifikuar si Rifat Pacolli, Ardit Gashi dhe një i ri tjetër me emrin Shpat, për të cilin ende nuk është konfirmuar mbiemri për shkak të mungesës së dokumenteve identifikuese.
Dyshohet se shkaku i aksidentit ka qenë shpejtësia e lartë me të cilin po udhltonin tre të rinjtë, për kushtet që kishte rruga.
Trupat e pajetë janë nxjerrë në orët e para të mëngjesit të sotëm nga Forca e Sigurisë së Kosovës. Dy prej viktima kanë qenë jashtë automjetit, në ujë, ndërsa një tjetër kishte mbetur i bllokuar në automjetin brenda në ujë.
