Gazetari Artan Hoxha u shpreh se Elbasani u bë një qytet problematik pas fuqizimit të grupeve kriminale. Nga studio, Hoxha tha se kemi të bëjmë me një çështje e cila ka një shtrirje të gjatë kohore dhe ka ta bëjë me një seri ngjarjesh.
“Ka episode që nga trafiku i narkotikëve por sidomos është kthyer në një çështje e rëndësishme për shkak të vrasjeve të shumta që ndodhën në Elbasan.
Ne patëm një periudhë 4-5 vjeçare në Elbasan ku patëm përballje jashtëzakonisht të forta të cilat lanë pasoja. Situata në Elbasan gjatë kësaj periudhe kohore u agravua jashtëzakonisht shumë për shkak se grupet brenda Elbasanit u fuqizuan duke përfshirë sidomos në trafikun e kokainës.
