Një ngjarje e rëndë ka ndodhur rreth orës 11:15 në një qendër tregtare në Tiranë, ku një vajzë e mitur aksidentalisht është rrëzuar në hapësirën midis shkallëve elektrike të katit të 3-të.
Sipas policisë, 4-vjeçarja ka mbetur e dëmtuar dhe ndodhet në spital nën kontrollin e mjekëve.
Njoftimi i policisë:
Tiranë/Informacion paraprak
Më datë 01.09.2024, rreth orës 11:15, në një qendër tregtare në rrugën “Murat Toptani”, dyshohet se aksidentalisht është rrëzuar në hapësirën midis shkallëve elektrike të katit të 3-të, një e mitur 4 vjeçe, e cila si pasojë është dëmtuar dhe ndodhet në spital, në kujdesin e mjekëve.
