Katër personat e arrestuar pas ngjarjes së plagosjes së 27-vjeçarit në fshatin Dvoran të Korçës dolën këtë të hënë përpara Gjykatës së Rrethit.
Trupa gjykuese vendosi masën e sigurisë “detyrim paraqitje” për tre prej tyre dhe hetim në gjendje të lirë për një tjetër.
Konkretisht, me “detyrim paraqitje” u lanë Isuf Dalip, Dhimitër Kodra dhe Bilal Shkëmbi, ndërsa Thanas Paskali do të hetohet në gjendje të lirë.
Sipas ekspertizës mjeko-ligjore, Aleks Qiqi ka pësuar plagë të lehta, të shkaktuara nga të katër personat e arrestuar. Ngjarja ndodhi pasi Qiqi plagosi me thikë 27-vjeçarin Ari Kodra, çka çoi në reagimin e menjëhershëm të tyre që e goditën.
Sa i takon autorësisë së plagosjes me thikë, gjykata do të zhvillojë seancën në ambientet e spitalit rajonal të Korçës, pasi i dyshuari ndodhet ende nën kujdes mjekësor.
