Kryetari i Partisë Demokratike, Sali Berisha, ka zhvilluar një takim me simpatizantët në selinë blu, ku ka komentuar arrestimin e tij dhe ngjarjet e fundit politike në Shqipëri.
Në fjalën e tij, Berisha ka përshëndetur qytetarët që qëndruan për muaj me radhë para banesës së tij gjatë kohës kur ai ishte nën “arrest shtëpie”, duke theksuar mbështetjen e fortë nga ata.
Ai ka deklaruar se arrestimi i liderëve të opozitës është një fushatë terrori që synon të frikësojë popullin opozitar dhe qytetarët shqiptarë. Sipas Berishës, arrestimet janë urdhëruar nga kryeministri Edi Rama dhe manjati Xhorxh Soros, duke i cilësuar ato si një përpjekje për të shtypur opozitën dhe liritë e qytetarëve.
Fjala e Berishës:
‘Mirëmbrëma!
Të dashur qendrestare dhe qëndrestarë, heronj të vërtetë të një qëndrese epike, të qëndresës më epike që ka njohur Shqipëria që nga ardhja e demokracisë.
Qëndrestarë të 333 ditëve.
Në krye të radhës kam kënaqësinë e veçantë të ju kujtoj se në librat e shenjtë, në kuptimin biblik, 333 është numri i shenjtë i cili lidh trininë Atin-Të Birin dhe Shenjtin dhe do të thotë, plotni, përsosmëri hyjnore për shërbimin ndaj të vërtetës, nuk e meriton kush më shumë këtë numër.
Zoti ju bekoftë.
Sot para jush dua të ju çoj një përshëndetje të përzemërtë, kryetarit të Partisë së Lirisë, Ilir Meta që përballet me diktaturën e bandave dhe krimit në qelitë e burgut, deputetit të pamposhtur Ervin Salianji që qëndron si kollos kundër narkodiktaturës, sepse mbrojti të vërtetat dhe bëri detyrën si deputet.
Një mirënjohje të pakufishme dhe të atyre që nuk kanë ardhur sot këtu, por kanë qenë me ju çdo natë në këto 333 ditë.
Të dashur miq!
Si kjo kohë fundivitin e kaluar, forca jonë politike dhe pluralizmi politik shqiptar morën goditjen më armiqësore në historinë e tyre.
Kreu i narkoregjimit Edi Rama, mafia ndërkombëtare e Sorosit urdhëruan me 30 dhjetor të vitit të kaluar izolimin, arrestimin dhe heqjen e të drejtës së fjalës, liderit të opozitës.
