Një incident me armë zjarri ka alarmuar autoritetet në Washington DC, pasi të shtëna janë raportuar disa blloqe larg Shtëpia e Bardhë.
Sipas mediave ndërkombëtare, kompleksi presidencial u mbyll përkohësisht si masë sigurie, ndërsa në momentin e ngjarjes brenda ndërtesës ndodhej edhe presidenti Donald Trump.
Dëshmitarë, përfshirë gazetarë që ndodheshin pranë zonës, raportuan se agjentët e Shërbimit Sekret reaguan menjëherë, duke i larguar ata nga ambientet e jashtme dhe duke i udhëzuar të zhvendoseshin në sallën e konferencave për shtyp. Ky është një protokoll standard në raste të rrezikut të mundshëm për sigurinë.
Deri në këto momente, autoritetet amerikane nuk kanë dhënë detaje të plota mbi rrethanat e incidentit, ndërsa mbetet e paqartë nëse ka persona të lënduar apo të përfshirë drejtpërdrejt.
Hetimet janë në vijim, ndërsa masat e sigurisë në zonë janë forcuar për të garantuar mbrojtjen e stafit dhe zyrtarëve të lartë.
