Një zjarr i fuqishëm ka përfshirë një pallat në Tiranë, duke shkaktuar alarm te banorët dhe autoritetet. Flakët kanë përfshirë fasadën e një kompleksi banimi, ndërsa ndërhyrja për shuarjen e tyre vijon ende.
Sipas raportimeve nga vendngjarja, më shumë se katër mjete zjarrfikëse janë angazhuar për të neutralizuar flakët, por situata mbetet e vështirë për shkak të përhapjes së shpejtë të zjarrit.
Dyshohet se disa persona mund të kenë mbetur brenda banesave, megjithëse shumica e banorëve janë evakuuar në kohë. Ende nuk ka një konfirmim zyrtar mbi numrin e personave të bllokuar apo për të lënduar.
Autoritetet vijojnë ndërhyrjen për izolimin e flakëve dhe kontrollin e situatës, ndërsa priten informacione të mëtejshme mbi shkaqet e zjarrit dhe pasojat e tij.
