Një aksident është regjistruar pasditen e kësaj të diele në hyrje të fshatit Bejkovë, në zonën e Ersekës, ku një zetor ka dalë nga rruga dhe është përmbysur në një tokë djerrë.
Sipas informacioneve paraprake, drejtuesi i mjetit ka mbetur i plagosur, duke pësuar dëmtime në pjesën e këmbëve. Ai është transportuar drejt spitalit të Korçës për të marrë ndihmë mjekësore.
Në vendngjarje ndodhen shërbimet e Policisë, të cilat po kryejnë veprimet procedurale për të zbardhur rrethanat e plota të aksidentit.
