Tre persona janë shpëtuar nga shërbimet zjarrfikëse pasi traktori me të cilin udhëtonin u bllokua në lumin Devoll, në zonën e njohur si Bishti i Nartës.
Sipas raportimeve, pas marrjes së njoftimit, ekipet e Shërbimit Zjarrfikës të Gramshit kanë ndërhyrë në vendngjarje për të nxjerrë personat e bllokuar.
Si rezultat i operacionit janë shpëtuar një i moshuar, nipi i tij dhe drejtuesi i traktorit. Sipas informacioneve paraprake, mjeti ishte zhytur në ujë deri në lartësinë e kabinës.
Shërbimi Zjarrfikës ka apeluar ndaj qytetarëve të shmangin hyrjen në lumin Devoll, duke paralajmëruar se prurjet e ujit mund të ndryshojnë papritur për shkak të shkarkimeve nga diga e Moglicës.
Sqarim: Rrethanat e ngjarjes do të verifikohen nga autoritetet kompetente.
