Presidenti i Shteteve të Bashkuara, Donald Trump, u ka bërë thirrje ligjvënësve republikanë në Kongres që Irani të përfshihet në projektligjin që parashikon vendosjen e sanksioneve ndaj Rusisë.
Në një postim në platformën Truth Social, Trump deklaroi se republikanët duhet të shtojnë Iranin në paketën e sanksioneve që aktualisht është në shqyrtim në Kongres.
Deklarata vjen në një kohë kur ligjvënësit amerikanë po diskutojnë një paketë të re masash ndaj Rusisë, në lidhje me luftën në Ukrainë. Paralelisht, administrata amerikane ka sinjalizuar se synon të ushtrojë presion të shtuar ndaj Iranit përmes masave politike dhe ekonomike.
Deri në publikimin e këtij materiali, nuk janë bërë të ditura detaje të tjera mbi përmbajtjen e projektligjit ose nëse kërkesa e presidentit Trump do të reflektohet në versionin përfundimtar të tij.
