Presidenti i Shtetet e Bashkuara të Amerikës, Donald Trump, ka lëshuar një tjetër paralajmërim të fortë ndaj Iran, duke deklaruar se Teherani duhet të zgjedhë mes nënshkrimit të një marrëveshjeje ose përballjes me pasoja të rënda ushtarake.
Gjatë ceremonisë së diplomimit në Akademinë e Rojës Bregdetare amerikane, Trump pretendoi se kapacitetet ushtarake iraniane janë goditur rëndë.
“Gjithçka është shkatërruar. Marina e tyre është shkatërruar. Forca ajrore e tyre është shkatërruar. Pothuajse gjithçka”, deklaroi Trump.
Ai shtoi se administrata amerikane po pret të shohë nëse Irani do të pranojë një marrëveshje apo nëse SHBA do të ndërhyjë sërish.
“Pyetja e vetme është nëse do të shkojmë ta përfundojmë punën apo nëse ata do të nënshkruajnë një marrëveshje. Do të shohim çfarë do të ndodhë”, u shpreh presidenti amerikan.
Deklaratat e Trump vijnë në një moment tensionesh të larta në Lindjen e Mesme, ndërsa negociatat me Teheranin mbeten të paqarta dhe situata ushtarake në rajon vazhdon të mbetet e tensionuar.
