Një aksident i rëndë me pasojë vdekjen ka ndodhur pasditen e sotme në hyrje të qytetit të Shkodër, ku një këmbësor i moshuar humbi jetën pasi u përplas nga një automjet.
Viktima është identifikuar si Haki Bajrami, 77 vjeç. Sipas të dhënave paraprake, ai po lëvizte me një karrocë dore në momentin kur u godit nga makina.
Pas përplasjes, drejtuesi i automjetit është larguar menjëherë nga vendngjarja, duke mos i dhënë ndihmë të moshuarit. Si pasojë e plagëve të marra, 77-vjeçari ndërroi jetë.
Forcat e policisë kanë mbërritur në vendin e ngjarjes dhe kanë nisur hetimet për identifikimin dhe kapjen e autorit, si dhe për zbardhjen e plotë të rrethanave të aksidentit.
Autoritetet u bëjnë thirrje qytetarëve që të bashkëpunojnë dhe të raportojnë çdo informacion që mund të ndihmojë në kapjen e drejtuesit të mjetit që u largua nga vendi i ngjarjes.
