Irani i ka paraqitur Shtetet e Bashkuara të Amerikës një propozim të ri për t’i dhënë fund konfliktit në Lindjen e Mesme, duke përdorur ndërmjetës nga Pakistani.
Sipas raportimeve të medias shtetërore iraniane IRNA, kjo lëvizje vjen në një moment kur negociatat mes Teheranit dhe Uashingtonit kanë ngecur dhe progresi drejt një marrëveshjeje afatgjatë ka qenë i kufizuar.
Dy vendet kishin arritur më herët një armëpushim më 8 prill, por bisedimet për një marrëveshje të qëndrueshme paqeje kanë vijuar pa rezultate konkrete. Propozimi i fundit i Iranit shihet si një përpjekje për të rifilluar dialogun dhe për të shmangur një përshkallëzim të mëtejshëm të konfliktit.
Detajet e ofertës nuk janë bërë publike, por burimet sugjerojnë se ajo synon të krijojë një kornizë për stabilitet afatgjatë dhe reduktim të tensioneve në rajon.
Mbetet për t’u parë nëse Shtetet e Bashkuara të Amerikës do ta pranojnë këtë iniciativë dhe nëse ndërmjetësimi i Pakistani do të mund të çojë në një marrëveshje përfundimtare, në një konflikt që ka ndikim të gjerë në sigurinë dhe tregjet globale.
