Kryeministri Edi Rama ka reaguar ndaj pretendimeve për largimin e rreth 500 mijë shqiptarëve gjatë qeverisjes së tij, duke i cilësuar këto shifra si të pasakta.
Deklarata u bë gjatë një interviste në Forumi Ekonomik i Delfit, ku ai u pyet nga gazetari Aleksis Papahelas për fenomenin e emigracionit, të cilin e quajti një “paradoks” në një kohë kur Shqipëria synon integrimin në Bashkimi Evropian.
Rama pranoi se emigracioni vazhdon, por e konsideroi atë si një fenomen normal për një vend që ka kaluar dekada izolimi.
“Gjysmë milioni nuk është një shifër e saktë. Po, shqiptarët janë larguar, por po ashtu po kthehen. Hendeku mes atyre që largohen dhe atyre që rikthehen po ngushtohet,” u shpreh ai.
Kryeministri theksoi gjithashtu disa tregues ekonomikë për të argumentuar përmirësimin e situatës në vend, duke përmendur rritjen e Prodhimit të Brendshëm Bruto, rritjen e numrit të turistëve dhe shtimin e investimeve të huaja direkte.
Sipas tij, megjithëse ka ende shumë për të bërë, këto zhvillime tregojnë një progres të dukshëm dhe krijojnë kushte më të mira për kthimin e emigrantëve dhe frenimin e largimeve.
