Zëvendëskryeministrja Albana Koçiu deklaroi se rritja e qëndrueshme e ekonomisë shqiptare është një tregues i qartë i progresit të vendit në rrugën drejt Bashkimi Evropian.
Ajo theksoi disa nga arritjet kryesore ekonomike, duke përfshirë:
- rritjen e pensioneve dhe pagave
- uljen e papunësisë në nivel historik prej 8.1%
- rritjen e investimeve të huaja në 1.6 miliardë euro në vit
Sipas Koçiut, gjatë vitit 2025 janë regjistruar mbi 20 mijë biznese të reja, ndërsa të ardhurat nga turizmi kanë arritur në 5.72 miliardë euro.
Ajo u shpreh se këto tregues tregojnë një ekonomi në zhvillim, e cila po krijon më shumë mirëqenie për qytetarët dhe po nxit investimet strategjike në vend.
Sipas saj, progresi ekonomik po ndihmon gjithashtu në përmirësimin e cilësisë së shërbimeve dhe në afrimin e standardeve shqiptare me ato evropiane, duke hapur një kapitull të ri në procesin e integrimit.
