Ambasada e SHBA në Tiranë ka reaguar zyrtarisht pas paralajmërimit për rreziqe të mundshme nga grupe të lidhura me Irani, duke theksuar se situata po ndiqet me prioritet të lartë.
Në një deklaratë për mediat, një zyrtar i ambasadës bëri të ditur se administrata e Donald Trump e ka sigurinë e qytetarëve amerikanë si prioritet kryesor dhe është në koordinim të vazhdueshëm me institucionet shqiptare.
“Ne po bashkëpunojmë ngushtë me autoritetet shqiptare për të vlerësuar situatën dhe për të zbutur rreziqet e sigurisë,” thuhet në reagim.
Ambasada vlerësoi gjithashtu bashkëpunimin me Qeveria e Shqipërisë, duke theksuar angazhimin e saj për të garantuar sigurinë jo vetëm të qytetarëve amerikanë, por edhe të gjithë banorëve në Shqipëri.
Ky reagim vjen në një moment tensionesh të shtuara ndërkombëtare dhe debatesh të forta politike në vend lidhur me nivelin e rrezikut dhe masat e sigurisë.
Ambasada bëri të ditur se informacione të tjera do të bëhen publike sapo të jenë të disponueshme, duke lënë të hapur mundësinë për zhvillime të mëtejshme në vijim.
