Në tubimin e përjavshëm të organizuar nga Partia Demokratike para Kryeministrisë, një moment i veçantë ishte recitimi i një poezie nga një simpatizante e PD.
Gjatë aktivitetit të njohur si “Foltorja”, ajo interpretoi vargje kushtuar Shqipërisë, duke sjellë një mesazh emocional për historinë, vuajtjet dhe qëndresën e vendit.
Në poezinë e saj, ajo përmendi sakrificat, sfidat dhe periudhat e vështira që ka kaluar Shqipëria, duke theksuar njëkohësisht forcën dhe ringritjen e saj ndër vite.
Recitimi tërhoqi vëmendjen e të pranishmëve në tubim, duke u kthyer në një nga momentet më të veçanta të protestës së zhvilluar këtë të hënë në kryeqytet.
