Kryetari i Partisë Demokratike, Sali Berisha, ka reaguar ndaj editorialit të përbashkët të kryeministrit Edi Rama dhe presidentit serb Aleksandar Vuçiç, duke e cilësuar bashkëpunimin mes tyre si të dëmshëm për interesat e Shqipërisë.
Gjatë një bashkëbisedimi në rrjetet sociale, Berisha akuzoi Ramën se po rikthehet te koncepti i “Ballkanit të Hapur”, që sipas tij ka dëmtuar ekonominë dhe bujqësinë shqiptare. Ai përdori tone të ashpra edhe ndaj Vuçiçit, duke e akuzuar për lidhje të errëta dhe duke e quajtur aleat të interesave proruse.
Berisha tha se opozita do të mbështesë integrimin e plotë të Shqipërisë në Bashkimin Europian, duke kundërshtuar çdo formulë që, sipas tij, shmang standardet dhe anëtarësimin me të drejta të plota.
