Zbardhen detaje të reja nga vrasja e 31-vjeçarit Egli Pashollari, i cili u godit me thikë pasditen e së premtes në zonën e ish-Parkut në Tiranë.
Sipas burimeve hetimore, motivi i krimit dyshohet të ketë qenë ngacmimi i vazhdueshëm i bashkëshortes së autorit të dyshuar, Gazmend Bucpapa.
Si ndodhi ngjarja?
Sipas policisë:
- Bashkëshortja e autorit, që punon shitëse në një market pranë vendit të ngjarjes, i kishte treguar burrit për ngacmimet.
- Rreth orës 15:40, Bucpapa, bashkëshortja e tij dhe një person tjetër u përfshinë në konflikt me viktimën.
- Gjatë përplasjes, 31-vjeçari u godit me mjet prerës dhe humbi jetën.
Pas krimit, autorët u larguan me automjetin e Bucpapës, e braktisën atë dhe më pas morën taksi drejt banesës në zonën e Sharrës.
Autori në kërkim
Sapo mbërriti në shtëpi, Gazmend Bucpapa u arratis dhe aktualisht është në kërkim nga policia.
Gruaja e tij është marrë në pyetje dhe ka deklaruar se viktima e ngacmonte vazhdimisht. Ajo nuk është arrestuar. Në pyetje janë marrë edhe prindërit e autorit, të cilët kanë dhënë të njëjtin version të ngjarjes.
Policia vijon hetimet për zbardhjen e plotë të rrethanave dhe kapjen e autorit të dyshuar.
