Deputeti i Partisë Demokratike, Luçiano Boçi, deklaroi se protesta e sotme para Kryeministrisë pritet të ketë mbështetje më të madhe krahasuar me tubimet e mëparshme.
I ftuar në një emision televiziv, Boçi theksoi se protesta nuk është thjesht politike, por sipas tij përfaqëson edhe një reagim qytetar ndaj situatës në vend, duke përmendur çështje si rasti “Balluku” dhe problematikat e lidhura me institucionet shtetërore.
Ai u shpreh se opozita synon një zgjidhje politike, duke përmendur si alternativë qeverinë teknike, ndërsa shtoi se protesta e 20 shkurtit mbart një simbolikë të veçantë.
Boçi kritikoi mazhorancën për mungesë reflektimi dhe pretendoi se vendimet më të rëndësishme merren jashtë institucioneve formale, duke akuzuar për centralizim të pushtetit.
Sipas tij, protesta duhet parë si shprehje e kauzave qytetare dhe jo si një ritual politik, ndërsa theksoi se dinamika e saj do të përcaktohet nga reagimi i pjesëmarrësve në terren.
