Një restorant është përfshirë nga flakët mbrëmjen e sotme në zonën e Urës së Dajlanit, në qytetin e Durrësit. Zjarri ka shkaktuar panik në zonë, ndërsa tymi është parë nga distanca.
Në vendngjarje kanë mbërritur menjëherë shërbimet e policisë dhe zjarrfikëses, të cilat po punojnë për neutralizimin e flakëve dhe shmangien e rrezikut për objektet përreth.
Paraprakisht dyshohet se zjarri mund të ketë rënë si pasojë e një defekti elektrik, por shkaqet e sakta do të përcaktohen pas hetimeve.
Fatmirësisht, deri në këto momente nuk raportohet për persona të lënduar, ndërsa dëmet materiale janë në vlerësim.
