Policia ka finalizuar faza të tjera të operacioneve “Stolen Line” dhe “Relay”, të zhvilluara kundër trafikimit të automjeteve të vjedhura nga jashtë vendit drejt Shqipërisë.
Si rezultat i hetimeve, janë proceduar penalisht dy shtetas, të cilët dyshohet se kanë trafikuar në Shqipëri automjete me vlerë totale rreth 90 mijë euro, të rezultuara të vjedhura në Zvicër dhe Itali.
Personat e proceduar
- M. S., 36 vjeç – dyshohet se ka trafikuar në Shqipëri një automjet tip “Benz”, me vlerë rreth 80 000 euro, i shpallur i vjedhur në Zvicër;
- E. M., 29 vjeç – dyshohet se ka trafikuar një automjet tip “Opel”, me vlerë rreth 10 000 euro, i shpallur i vjedhur në Itali.
Automjetet janë identifikuar përmes verifikimeve të kryera në bashkëpunim me autoritetet partnere ndërkombëtare.
Materialet procedurale i janë referuar Prokurorisë së Tiranës për veprime të mëtejshme ligjore.
