Përfaqësuesja e Lartë e Bashkimit Evropian për Politikën e Jashtme, Kaja Kallas, theksoi se çdo dorëzim i territoreve ukrainase do të ishte kurth i ndërtuar nga Rusia. Në një intervistë për BBC, ajo u shpreh se mospranimi i territoreve të Ukrainës është i domosdoshëm, sepse Putin dëshiron të na e imponojë kompromisin si paqe.
Këto komente vinë në një kohë kur liderët evropianë, së bashku me presidentin ukrainas Zelensky, po diskutojnë në Shtëpinë e Bardhë për rrugën diplomatike drejt paqes. Kallas theksoi se garancitë e sigurisë duhet të shoqërohen me një ushtri të fortë ukrainase dhe një strategji të besueshme mbrojtjeje — elementi kyç që do të shmangë kompromiset territoriale të dëmshme.
