Mbyllja e urës së Milotit pas konfirmimit të dëmtimeve serioze në strukturën mbajtëse dhe rrezikut për përdoruesit do të vijojë deri në zgjidhjen e këtij problemi.
Ky objekt inxhinierik është inspektuar nga përfaqësues të Autoritetit Rrugor Shqiptar, zëvendësministri i Infrastrukturës dhe një grup inxhinierësh të Universitetit Politeknik të Tiranës dhe Institutit të Ndërtimit që po shqyrtojnë mundësinë e një ndërhyrjeje emergjente dhe hartimin e një zgjidhjeje afatgjatë për ndërtimin e një ure të re.
Shefi i Qarkullimit Rrugor në Policinë e Lezhës, Valmir Nikolli, bëri të ditur se mbyllja e urës ishte e domosdoshme për të shmangur pasoja të rënda dhe se janë marrë masa për devijimin e qarkullimit në itinerare alternative.
