Në një kohë kur sfidat e drejtësisë shqiptare mbeten të mëdha dhe besimi publik ndaj institucioneve është ende i brishtë, përzgjedhja e drejtuesit të Byrosë Kombëtare të Hetimit (BKH) nuk është vetëm një procedurë administrative: ajo është një vendim që ka potencial të ndikojë në rrjedhën e besueshmërisë institucionale dhe në cilësinë e luftës kundër korrupsionit dhe krimit të organizuar.
Në këtë kontekst, kandidatura e z. Gledis Nano për drejtimin e BKH-së përfaqëson një alternativë të fortë, të pjekur dhe plotësisht të besueshme. Ai është, në çdo aspekt profesional dhe etik, një profil që përmbush dhe tejkalon pritshmëritë për një drejtues të këtij niveli.
