Shoferja 43-vjeçare e cila përplasi për vdekje një këmbësor në aksin rrugor “Shkodër-Velipojë” është vënë në pranga ditën e sotme nga policia. Sipas njoftimit të policisë shoferja ka humbur kontrollin e mjeti dhe për pasojë ka përplasur këmbësorin 76-vjeçar.
I moshuari nuk ka mundur tu mbijetojë plagëve dhe ka humbur jetën në vendngjarje. E arrestuara akuzohet për veprën penale “Shkelja e rregullave të qarkullimit rrugor”. Materialet procedurale iu referuan Prokurorisë Shkodër për veprime të mëtejshme.
Njoftim i policisë:
Në vijim të informacionit paraprak të dhënë dje, për aksidentin në aksin rrugor “Shkodër-Velipojë”, informojmë se specialistët e Sektorit të Qarkullimit Rrugor arrestuan shtetasen Z. K., 43 vjeçe, për veprën penale “Shkelja e rregullave të qarkullimit rrugor”, pasi duke drejtuar automjetin, dyshohet se ka humbur kontrollin dhe për pasojë automjeti ka përplasur shtetasin Gj. N., 76 vjeç, këmbësor, i cili humbi jetën në vendgjarje.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme
