SPAK ka konfirmuar zyrtarisht nisjen e hetimeve ndaj deputetes socialiste Klotilda Bushka, pas arrestimit të kryetarit të Bashkisë së Tiranës, Erion Veliaj.
Sipas njoftimit të Prokurorisë së Posaçme, Bushka dyshohet për “Veprime që pengojnë zbulimin e së vërtetës”, bazuar në nenin 301 të Kodit Penal.
Hetuesit kanë siguruar prova që ngrenë dyshime mbi ndërhyrjen e Bushkës në procesin e hetimeve të një çështjeje të vitit 2024, duke kryer veprime të cilat konsiderohen të kundërligjshme. SPAK ka falënderuar Policinë e Shtetit për bashkëpunimin në ekzekutimin e masave të sigurisë.
