Panik në Gjermani/ Makina përplas një grup qytetarësh në tregun e Krishtlindjeve, dyshohet për viktima dhe të plagosur

Një makinë ka përplasur një grup njerëzish në një treg Krishtlindjesh në qytetin lindor të Gjermanisë Magdeburg, njofton agjencia gjermane e lajmeve dpa.

Sipas burimeve paraprake mësohet se shoferi i makinës është arrestuar.

Nuk ka ende informacion zyrtar nëse ka njerëz të vrarë apo të plagosur, por mediat lokale raportojnë se ka dyshime për të plagosur dhe të vrarë.

Të dhënat e para flasin për të paktën një të vdekur, sipas policisë së Magdeburgut, dhe 60 deri në 80 të plagosur, sipas shërbimeve lokale të shpëtimit

Nuk dihen ende rrethanat e ngjarjes, policia ka shkuar në vendngjarje për të zbardhur dinamikën. Videot në mediat sociale tregojnë momentin kur makina futet me shpejtësi mes për mes turmës, me njerëzit që në panik e siper largohen nga vendi i ngjarjes.

Tregu i Krishtlindjeve i Magdeburgut ndodhet në Sheshin e Tregut të Vjetër, pranë bashkisë së qytetit, pranë lumit Elba. Magdeburgu ndodhet në perëndim të Berlinit dhe ka rreth 240,000 banorë.