Presidenti francez, Emmanuel Macron ka thënë se do ta emërojë kryeministrin e ardhshëm francez në ditët në vijim.
Macroni ka sulmuar të majtët dhe të djathtët që votuan për rrëzimin e qeverisë, duke i cilësuar si “grupe politike që kanë zgjedhur kaosin”.
Presidenti konfirmoi se Franca nuk mund të ketë zgjedhje të reja parlamentare për 10 muaj, pas zgjedhjeve të parakohshme në korrik. Barnier kishte marrë punën e kryeministrit tre muaj më parë.
“Në ditët e ardhshme do të emëroj një kryeministër të ri. Më duhet të pranoj se vendimi për shpërndarjen e Asamblesë Kombëtare më 9 qershor nuk u kuptua mirë nga populli. E djathta ekstreme dhe e majta ekstreme janë bashkuar në një front anti-republikan. E di mirë që dikush tundohet të më bëjë përgjegjës për këtë situatë”, deklaroi Makron.
