Deputetja e Partisë Demokratike Ina Zhupa, e ftuar në një program televiziv u shpreh se me arrestimin e ish-deputetit Jurgis Çyrbja u vërtetua ajo që PD ka thënë prej kohësh, që në Shqipëri listat e deputetëve të mazhorancës vendosen nga krimi.
Ajo shtoi se qeveria dhe mazhoranca në pushtet, fushatën zgjedhore nuk e bën më me program, por me dajre.
“Me Çyrbjen u vërtetua që krimi bën fushatë elektorale por vendos edhe emrat në listën e PS.
Do të isha e lumtur të përplasnim idetë, por mazhoranca ka 3 mandate që kandidon me dajre dhe vetëm me program jo. Dhe i sigurojnë votat nga krimi dhe administrata”, tha ajo.
