Si pasojë e një shpërthimi të fuqishëm të ndodhur në një ndërtesë në Lushnje, i plagosur ka mbetur edhe deputeti i Partisë Socialiste, Bujar Çela.
Shkak i kësaj ngjarje të rëndë dyshohet të jetë bërë një vinçier i cili ka prekur linjën e tensionit të lartë, duke shkaktuar më pas shpërthimin.
News24 raporton se, si pasojë e këtij shpërthimi janë plagosur katër persona dhe ka humbur jetën një tjetër.
Godina e cila ishte duke u ndërtuar, dyshohet se i përkiste pikërisht deputetit Çela.
Në vendin e ngjarjes kanë mbërritur forcat zjarrfikëse dhe ambulanca.
