Një banesë në katin e parë të një pallati është përfshirë nga flakët e zjarrit mesditën e sotme.
Ngjarja ka ndodhur në lagjen “Varri i Bamit” në Tiranë. Zjarri ka rënë në banesën e 55-vjeçares me iniciale L.T.
Shërbimet e Policisë në bashkëpunim me forcat zjarrfikëse menjëherë kanë bërë evakuimin e banorëve të pallatit. Zjarri është fikur dhe si pasojë e tij ka vetëm dëme materiale.
Grupi hetimor po punon për zbardhjen e rrethanave të ngjarjes dhe përcaktimin e shkakut të rënies së zjarrit.
