Dumani jep alarmin, asnjë institucion nuk i del në krah SPAK për luftën ndaj korrupsionit,Dogana mbyll sytë, Tatimet…

Kreu i SPAK, Altin Dumani ka vendosur në dukje rënien e numrit të kallëzimeve në Prokurorinë e Posaçme nga institucionet publike. Dumani mori shembull Doganat dhe Tatimet, duke deklaruar se nuk kanë denoncuar asnjë rast pranë SPAK. “Duke marrë në konsideratë kallëzimet e qytetarëve, rritjen e numrit të kallëzimeve të tyre, rritjen e numrit të procedimeve penale të regjistruara kryesisht nga SPAK, vlerësoj se nuk mund të bëjmë një lexim të tillë që ka rënë kriminaliteti e korrupsioni. Po marr institucione të rëndësishme, Doganat apo tatimet që të mos kenë 1 rast, 5 raste, 10 raste për të mos referuar në SPAK. Besoj që niveli i korrupsionit nuk është zero në Tatime dhe Dogana, dhe kjo është ajo që prezantojmë në raport, pasqyrojmë realitetin. Qëllimi nuk është për të kritikuar, por për t’i nxitur institucionet që ne jemi të hapur për bashkëpunim dhe mirëpresim referimet e tyre”, tha Dumani.