Kryeministri në detyrë i Kosovës, Albin Kurti, ka udhëtuar drejt Armeni për të marrë pjesë në samitin e radhës të Komuniteti Politik Evropian, që do të mbahet në kryeqytetin Jerevan.
Sipas njoftimit zyrtar, Kurti pritet të zhvillojë takime të nivelit të lartë me liderë dhe zyrtarë nga vende të ndryshme evropiane, si dhe të marrë pjesë në konferencën ndërkombëtare “Yerevan Dialogue”.
Samiti i tetë i këtij forumi zhvillohet më 4 maj, nën moton “Ndërtimi i së ardhmes: Uniteti dhe Stabiliteti i Evropës”. Ai synon të mbledhë udhëheqësit evropianë dhe përfaqësues të organizatave ndërkombëtare në një moment të rëndësishëm për zhvillimet politike dhe të sigurisë në kontinent.
Organizatorët theksojnë se samiti do të shërbejë si një platformë për dialog të hapur, koordinim strategjik dhe diskutime mbi prioritetet e përbashkëta të Evropës, me fokus në forcimin e bashkëpunimit dhe stabilitetit rajonal.
Pjesëmarrja e Kurtit në këtë aktivitet vjen në një kohë sfidash politike në Kosovë, ndërsa vendi përballet me zhvillime të rëndësishme në planin e brendshëm dhe ndërkombëtar.
